(AP) — Un hues na Delaware dialuna a ordena abogadonan representando Tesla Inc. pa entrega cierto comunicacion cu CEO, Elon Musk por a comparti cu e abogadonan top di e compania prome cu e hunta a proba un plan di compensacion na 2018 cu por otorga Musk mas di $50 biyon.

E veredicto di Vice Canciyer Joseph Slights Jr. a yega como respuesta na un mocion pa obliga, entrega den nomber di accionistanan cu a acusa Musk y hunta directivo di Tesla di viola nan debernan fiduciario pa cu e compania y su accionistanan, otorgando rikesa inhusto na Musk y malgastando activonan corporativo.

Mientras a otorga e acusadornan acceso na cierto documento cu sea Musk a manda of ricibi, Slight a nenga di duna acceso na un variedad mas amplio di otro documento cu abogadonan di defensa a argumenta ta similarmente protegi pa privilegio entre abogado y cliente.

Slights a bisa cu documentonan cu Musk a comparti cu consehero general di Tesla, Todd Maron, of consehero general interino, Jonathan Chang prome cu e hunta a proba e plan di compensacion mester wordo entrega na e accionistanan.

E accionistanan acusador a argumenta cu Chang y Maron, kende tabata e anterior abogado di divorcio di Musk, a traha pa avansa interesnan di Musk y a negocia den su nomber contra e comite di compensacion di e hunta.

“Usando su control, relacionnan personal cercano y reputacion pa retribucion, Musk a co-opta Maron y Chang pa yud’e structura e plan liber di participacion di e comite”, abogadonan di e acusadornan a skirbi solicitando Slights pa forsa e compania entrega e documentonan. “Musk y su agentenan a entrega e comite un plan completa”, nan a agrega.

Mientras cu Slights a bay di acuerdo cu comunicacion directamente involucrando Musk mester keda revela, el a nenga di duna orden pa abogadonan di defensa entrega otro comunicacion entre miembronan di e hunta, Chang y Maron, y un compania legal externo.

E hues a bisa cu no tabatin base pa e ordena e produccion di documento cu por ta protegi pa privilegio entre abogado y cliente ora cu e informacion por ta disponibel di otro fuentenan. El a nota cu Musk, maron, Chang y presidente di comite di compensacion, Ira Ehrenpreis ainda mester wordo cuestiona den e caso.

E acusadornan a argumenta den nan mocion pa obliga cu Tesla tabata scondiendo di forma inapropia centenares di documento cu Maron y Chang a comparti cu comite di compensacion y su conseheronan.

Abogado Gregory Varallo a bisa Slights dialuna ultimo cu e acusadornan den e demanda, entrega na 2018, ainda no tin un contesta na e simpel pregunta: “Ken su idea tabata e plan di compensacion di mas grandi cu a yega di diseña?”

“Si bo lesa e record te awo, niun persona ta parce di sa”, segun Varallo.

“Tabatin hopi tabata tumando luga prome cu esaki tabata den mira di comite di compensacion”, el a agrega.

Vanessa Lavely, un abogado representando directornan di Tesla, a bisa Slights cu e hunta a sigui ‘un proceso robusto’ pa desaroya y aproba e plan di compensacion. “Absolutamente no tabatin ningun ‘stempel di aprobacion’ aki, y e acusadonan ta anticipa e oportunidad pa presenta e recorda aki na corte”, el a bisa.

Na 2019, Slights a nenga di rechasa e acusacionnan di violacion di deber contra Musk y directornan di Tesla, y un acusacion di enrikecimento inhusto contra Musk.

Bao regla di ‘veredicto comercial’, cortenan tipicamente ta duna un deferencia fuerte na toma di decision di un hunta corporativo a menos cu tin evidencia cu directornan tabatin conflicto of a actua den mala fe. Si un acusador por sobrepasa e presuncion di e regla di veredicto comercial, e accion di e hunta e ora ey ta suheto na un analisis di ‘husticia completo’, cu ta pasa e deber na e corporacion pa mustra cu e acuerdo a involucra tanto trato husto como prijs husto.

Slgihts a bisa cu pasobra e acusadornan adecuadamente a argumenta cu Musk ta un accionista controlador y tabatin conflicto di interes, e caso a presta su mes nan ‘sospecha hudicial aumenta’.

Bao e plan, Musk ta para pa cosecha biyones si e fabricante di auto electrico y panel solar cumpli cu metanan ambicioso di capitalisacion di mercado y operacional. Pa cada 12 meta cu e compania logra, Musk, kende ya tabata doño di mas di 20% di Tesla ora cu a aproba e plan, lo ricibi accion igual na 1% di e accionnan outstanding na momento di e pago.

Cada meta ta inclui aumenta capitalisacion di mercado di Tesla cu $50 biyon y cumpli cu metanan di crecemento di entrada y ganashi agresivo. Musk lo ricibi e beneficio completo di e plan di pago, $55.8 biyon, solamente si e dirigi Tesla na un capitalisacion di mercado di $650 biyon y entrada y ganashi sin precedente dentro di un decada.