INDONESIA – E number di persona cu a fayece pa motibo di awa di lodo cu ta bahando na e ciudad di e pais, a subi na 79 hende, cu ainda falta decenas di persona cu ta desapareci.
Diadomingo e desaster a dal prome cu un teremoto, cu a ocasiona e lodo cu a dal un famoso ‘waterfall’ na e isla turistico di Lombok, matando 3 persona y destruyendo centenares di cas. Tambe a destrui brug y caminda den varios area di provincial Papua.
Combinacion di factor natural y actividad humano a causa e desaster fatal. Como 79 curpa a wordo saca di e lodo, otro 74 a ser hospitalisa cu weso kibra y herida na cabes. Ta di spera cu e number di fayecido subi na e area afecta, unda cu ainda grupo di rescate no a yega, y ta buscando persona cu ainda ta desapareci.
“Nos ta asombra di hopi hende cu herida, nos no por tuma control nos mes”, Haerul Lee a bisa, kende ta e cabesante di oficina di salud Jayapura, agregando cu facilidad medico a perde coriente debi na apagon.
182 persona a resulta herida den e teremoto, incluyendo 26 di Malaysia. 252 cas a wordo daña. Secretario general di Nacionnan Uni, Antonio Guterres, a bisa cu nan tabata cla pa yuda Indonesia cu e desaster. Agregando cu nan ta expresa solidaridad na e autoridad di e pais y ta cla pa responde cu cualkier ayudo humanitario cu nan mester.
