(CuraçaoChronicle) – Un teremoto midiendo 7.2 riba escala di Richter riba diasabra a dal Haiti pa alrededor di 8:30pm. Tiki despues, un aftershock cu magnitud di 5.2 a keda registra.
E teremoto a dal alrededor di 12.1km nort oriente di Saint-Louis du Sud. Segun e reportenan durante weekend, tin gran cantidad di daño, igual cu na 2010, y a confirma varios centenar persona a fayece, pero ta spera cu e cantidad aki ta bay aumenta den proximo dianan.
Servicio Meteorologico di Corsou (MDC) a duna un reporte special riba diasabra mainta tocante e teremoto. “Un teremoto a tuma luga pero no tabatin chens pa genera un tsunami pa Corsou”, MDC a bisa. A duna un advertencia special pa fenomeno climatologico cu ta inusual, ta causa preocupacion general publico, y no por describi adecuadamente den e pronostico regular.
Potret di archivo.
