E provincia di Groningen a ser afecta pa un teremoto fuerte durante oranan trempan diaranson mainta,mientras cu e suelo ta sigui sinta despues di extraccion di gas natural.

Mas di 100 persona a reporta cu nan a sinti e teremoto , cual tabata un poco prome cu 6or di mainta. “ E habitantenan di Groningen a wordo sacudi”, un persona a bisa riba Twitter.

Pa 11or di mainta funcionarionan a ricibi 90 rapport di dañonan, incluyendo 12 cu ta rekeri un evacuacion inmediato, e agencia di noticia ANP a bisa. E teremoto a midi 3.4 riba e scala di Richter, convertiendo esaki den e tercer mas fuerte den e provincia desde su e problemanan a cuminsa.

“ Esaki a causa dañonan”, e vocero di KNMI unidad di sismologia a bisa. Prome minister Mark Rutte a bisa e programa di television Goedemorgen Nederland cu e ta spera cu e dañonan ta limita.

Te na e momentonan aki tin 230 rapport di daño na e centro di control cu ta monitoria e impacto di e teremoto. Y e funcionario di e hunta di awa ta involucrando si tin impactonan riba dykes, stacionnan di pompmento y puertonan. Hans Engels, alcalde di Loppersum na unda cu e teremoto a sosode a bisa cu “ Esaki ta un crisis”, Bo no ta wak nubianan di huma y candela y cadavernan, pero nos ta den un crisis”.

“Den decada di 1950, tur hende tabata asina optimista tocante di e hallazgo di gas, pero awor el a converti den un pesadilla” Rutte a bisa. E centro epico di e teremoro tabata na Loppersum, na unda tambe e teremoto di e aña anterior a sosode. E teremoto ey y e protesta publico a causa cu e gobierno a bay diacuerdo pa elimacion total di perforacion di gas. Investigacion na maart, a pone cu parlamentarionan respalda unanimidad e perdida di un investigacion parlamentario tocante di e proyecto di extraccion di gas na e provincia di Groningen, 60 aña despues cu e camponan di gas a explota pa prome biaha.

E prome gas a ser canalisa desde 3 kilometer bou di e provincia di Groningen na 1959 y ta ser bisa cu e campo tabata un di e mas grandinan na mundo. E extraccion di gas a ser poni den man di NAM, un empresa conhunto 50:50 entre Shell y Esso , awo ExxonMobil.

E extraccion di gas a aumenta den e añanan siguiente,lo cual ta representa un fuente importante di entrada pa e gobierno y pa NAM. Prome teremoto a ocuri na 1986 y nan desde e tempo ey a bira mas cu 1,000, mayoria di nan a ser considera irelevante pa Den Haag. Pero na aña 2012, e provincia a ser sota pa un teremoto di 3.6 magnitud riba e escala di Richter cu a causa dañonan considerabel na mas di cien hogar y otro edificionan. Desde e tempo ey e presion a aumenta riba e gobierno pa asina reduci e produccion y aña pasa e gobierno a dicidi cu e extraccion di gas lo stop por completo na 2030.

Tapanan di gas mester wordo cera

E tapnan di gas natural na Groningen mester ser cera pas pronto posibel y mester adopta un enfoke generoso pa deal cu e dañonan, esaki ta locual comisionado di e Rey na e provincia Nortero a bisa diaranson ultimo.

“ E teremoto aki ta bisa bon cla cu Groningen ainda o ta safe”, Rene Paas a bisa e emisora NOS. “ Un teremoto semper ta un sorpresa, pero nos tabata sa cu ainda tabata por tin uno grandi”.

Gobierno a dicidi cu na fin di aña pasa cu lo elimina e uzo di gas na 2030, pero ainda e funcionarionan ta den disputa tocante e compensacion pa e personanan pa dañonan causa na nan propiedadnan y e costo di edificionan.“ E edificionan mester wordo fortalesa e aña aki”, Paas a bisa, prome cu tabata bayendo pa un reunion cu e ministernan. “ E habitantenan di Groningen kier wak resultadonan, nan kier sinti nan safe”.

Politiconan na Den Haag ta tumando mucha largo cu e inspeccionnan nobo, e modelling di computer,resolucionnan nobo y consehonan nobo”, el a bisa. “Mi no ta wak un solamente un truck di trahado aki nan pa haci e casnan mas safe”.