(NLTimes) – Un regulacion nobo di emergencia a ser implementa na Ter Apel dese diasabra atardi, e region di siguridad a reporta. Awo e ta prohibi pa solicitantenan di asilo cu no ta registra na e centro di aplicacion move rond di e centro.
E ordenansa di emergencia a ser anuncia anteriormente. En principio, e ta aplica te cu dia 1 di october. E prohibicion aki no ta aplica na personanan cu tin un afspraak na e centro pa registra.
Centenares di persona ta drumi regularmente drumi riba vloer dilanti e centro di registracion den e simannan recien. Esaki a resulta den situacionnan cu no ta safe ni tampoco higienico, e region a enfatisa diasabra. Hulanda su conseho pa refugiadonan a bisa cu e organisacion ta “spanta” pa e ordenansa di emergencia nobo. “E medida ta trece dilanti hopi pregunta,” e vocero a bisa.
Por ehempel, e organisacion kier sa si e ta permiti pa prohibi e solicitantenan di asilo drenta un area unda cu otro personanan ta bon bini. Ademas, e Conseho di Refugiado no ta haya e secuencia di accionnan logico. “Na prome luga sigura cu tin suficiente luga di recepcion y cu e comunicacion tocante e proceso ta cla, ciertamente prome cu bo prohibi cierto persona di bini Ter Apel,” un vocero a comenta.
