(NLTimes) –Teorico di conspiracion, Micha Kat, kende ta biba na Nort Irlanda, por wordo extradita pa enfrenta cargonan di haci menasa contra hefe di RIVM, Jaap van Dissel, segun medionan di comunicacion Hulandes ta reporta.
Kat a wordo aresta diaranson ultimo riba peticion di Ministerio Publico Hulandes y lo aparece dilanti di un hues Nort Irlandes riba dia 7 di augustus. Si e wordo extradita, Kat lo enfrenta cargonan di menasa Van Dissel y alcalde di Bodegraven-Reeuwijk, Christiaan van der Kamp, como tambe otronan.
Ta bisa cu Kat ta un di e personanan tras di e Red Pill Journal cu ta comparti teorianan di conspiracion via rednan social. Na juni, colega teorico di conspiracion Wouter R a ricibi sentencia di nuebe luna den prison pa conecta Van Dissel cu abuso ritual di mucha na Bodegraven den añanan 1989. Esnan cu ta kere den e teoria a hasta pone flornan riba e grafnan di hende hoben cu nan ta bisa tabata victima di e abuso, pa loke autoridadnan local y mayornan indigna a tuma accion legal.
Kat, kende tin condena pa daño criminal y alerta falso di bom, ainda tin un sentencia di seis luna pendiente na Hulanda pa difama periodistanan di NOS y e Telegraaf.
