Den un evento recien di Beach Tennis Aruba, e torneo di ranking ITF BT50, hungadornan di Brazil, Merca, Reino Uni, Corsou y mas a reuni pa competi pa $4mil den premio y puntonan valioso pa ranking. Talentonan local Maria Buuts y Eugemine Ignacio a impresiona door di gana e torneo ITF BT50, mientras J-Rick Maduro, representando Aruba y su partner di wega di Puerto Rico, Carlos Rivera a keda na di dos lugar.
Aruba ta preparando pa e campeonato Aruba Open Beach Tennis, cu ta bay tuma lugar na Bushiri Beach di dia 12 pa 19 di november proximo. Desde su inicio, e evento aki a atrae hungadornan di 40 pais y mas cu 500 participante local. E aña aki, e talentonan di Aruba ta anticipando pa briya na cas.
E prestacion di e hungadornan local durante weekend di ITF BT50 ta un testamento di e tremendo talento local cu tin riba nos isla, cu ta prepara escenario pa loke tin na caminda pa e Aruba Open 2023.
E ITF BT50, organisa pa Beach Tennis Aruba, ta actua como un warmup perfecto pa e campeonato Aruba Open Beach Tennis, cu ta bay duna bon bini na hungadornan di mas cu 40 pais pa ocho dia di competencia y deporte intenso.
Pero e emocion not a caba eynan. E torneo ITF BT50 a fungi como preparacion pa participacion di Aruba den e campeonato Pan Americano di Beach Tennis, cu ta bay tin su apertura na Chile dianan 26 pa 29 di october. Mas cu 15 pais, incluyendo Argentina, Merca, Brazil Canada y Puerto Rico ta bay competi cu hungadornan Arubano orguyosamente representando nan nacion.
E hungadornan cu ta bay representa Aruba ta:
– J-Rick Maduro
– Xennon Ho-Asjoe
– Randy Van Den Heuvel
– Jelle Groenendijk
-Maria Buuts
– Eugemine Ignacio
– Freya Kraag
– Martine Van Woudenberg
