Cuerpo Policial Aruba ta informa pa cu e parada di mucha di Oranjestad cu lo tuma lugar diadomingo 28 januari 2024 publico por pone stoel y banki desde diasabra 27 januari 2024 despues di 12’or di merdia.
Tene na cuenta cu por pone solamente stoel y banki. Manera cu e parada caba mester kita nan di biaha y mester laga e lugar limpi tambe.
NO ta permiti pa pone bloki, staca, cabuya, palet, palo etc. y lo kita eseynan mesora na momento cu polis controla y haya esakinan. Polis lo tin su control riba e ruta di carnaval durante e dianan nos dilanti.
Cuerpo Policial Aruba ta recorda pa laga nos muchanan gosa di nan parada. Percura pa nan tin suficiente likido manera awa, fruta, sunblock y nan earplugs.
Ban cuida nos muchanan y celebra carnaval conscientemente.
Corda cu durante temporada di carnaval Faya bo Haya ta na vigor!
