(NLTimes) – Temperatura di lama den e area Caribense a yega un record di 29 grado Celsius, kibrando e record anterior cu un grado segun Antiliaans Dagblad a reporta. E temperatura halto den lama por causa un temporada di horcan fuerte, segun e preocupacionnan di meteorologonan.
Na 29 grado Celsius, e temperatura di lama na Corsou ta 1.5 pa 2.5 grado mas halto cu normal den e temporada aki di e aña. Segun e instituto Hulandes KNMI, e temperatura di lama riba 26.5 ta un di e 4 factornan cu ta causa un horcan.
“Den aña 2023, e awa di lama extremadamente cayente tambe a resulta den un temporada di horcan mas cu e averahe, a pesar di e influencia di El Niño su actividad di horcan Atlantico,” KNMI a bisa. “Awo cu e awanan su temperatura ta extremadamente halto y El Niño ta na caminda, nos ta premira un temporada di horcan hopi activo e aña aki.”
Temporada di horcan ta core for di dia 1 di juni te dia 30 di november. Basa riba pronostico di tempo largo, meteorologonan ta premira temperaturanan di lama eleva cu lo dura por lo menos te october, yegando su punto mas halto den augustus y september.
