Clayton croes (NW).JPG
– E cantidad di criadero di e aña aki despues di e yobidanan a aumenta casi 3 biaha mas cu aña pasa. Pero ainda e cantidad di criadero por sigui aumenta debi cu cada biaha awa ta cay.
 
Pa nan por yega na e cifranan corecto tur siman cada grupo mester entrega un rapport di e cantidad di luganan cu nan a controla. Un compilacion di e lidernan di grupo ta wordo traha. Gele Koorts en Muskieten Bestrijding (GKMB) actualmente tin 5 grupo di tres persona cu ta controla criaderonan di sangura rond Aruba. Segun Sr. Clayton Croes, hefe di e GKMB, na Bon Dia Aruba, cada grupo ta traha un week rapport di tur trabou cu nan a haci, cu ta trabounan di 5 dia pa siman. Sr. Croes a haci un comparacion di un siman di november di 2014, 2015 y 2016, y indica cu 2015 tabata menos cu e otro dos añanan. Esaki ta debi na e cantidad di awa cu a cay. Ora di controla pa un siman, e averahe ta mas o menos 1000 cas cu ta uno normal.
 
Durante hopi aña nan a colecta e datonan di criadero di mapanan cu nan tin, y esaki ta pone cu nan a haya un “baseline.” E baseline aki ta bisa un averahe di henter aña largo, y asina ey ta haya referentie di huis index, container index. E aña aki den e siman di november e huis index di un parti di e area cu a wordo controla na San Nicolas tabata 4, container 3, cual tabata hopi aña. “Durante aña ora cu awa no ta yobe, esaki ta hopi abou. Nos ta papia di cifranan por ta 0,2, huis index 1, cual ta hopi mas abou compara cu e referencia,” Sr. Croes a indica. E comparacion di aña pasa y e aña aki den e prome siman di november, por mira cu e aña aki tin 3 biaha mas hopi sangura cu aña pasa.
 
Temporada di secura
Pa loke ta e temporada di secura, Sr. Croes a bisa Bon Dia Aruba, den un comparacion di e aña aki cu aña pasa esaki ta mescos. E diferencia grandi semper ta ora cu awa cay. E temporada di yobida si mira e simannan memey di aña, siman 20 y 30 di 2014 y 2015, esaki no a varia.