Temporada di Pasco y Fin di aña ta un temporada di mas bunita di aña, pa comparti cu famia y amigo, na unda cu diferente luga ta yena cu luz y cu ambiente di Pasco. Pa e motibo aki nos ta comparti cu nos lectornan e luganan unda tin decoracion masha bunita mes pa boso bay admira y disfruta.
Un di nan ta e luznan di Mama Rosa, ken haci 30 aña a cuminsa cu e tradicion aki na Piedra Plat specificamente na e rotonde, den mesun area aki nos ta yega na Santa Cruz unda e avion ta ubica, e cas number 266, veld di Rockets, Macuarima, Rooi Bosal, sero di Jan Flemming, rotonde drive in- di WEB na WEB mes tambe tin decoracion, rotonde Hypolito “Poll” Tromp na Savaneta, Rotonde y mainstreet di San Nicolas, Caya Tapushi 8, cas di luz na Weg Sero Preto, Groot di Lourdes, Carnival Village, Weg Fontein 30, Rotonde Tarabana, Home Sweet Home na Dakota, 3 cas na Jaburibari, Lagoen na Oranjestad, rotonde di Sero Blanco, Bestuurkantoor, rotonde di Ponton, Paradera 107c, Caya Bini Bini na Paradera, rotonde Tanki Flip, rotonde Hato, rotonde Palm Beach y Paseo Herencia mall.
Esey ta e ruta cu bo por bishita e aña aki hunto cu famia y amigonan pa asina ey disfruta di e temporada dushi aki di Pasco y di Fin di Aña.
