ORANJESTAD – E temporada di Driekiel ta cuminsa oficialmente y nos ta spera cu hopi turtuga hembra lo subi e beachnan di Aruba pa pone webo.
E Driekiel (manera mayoria di turtuga marino) ta den peliger di extension na mundo henter i mester di nos atencion. Riba e potret nos ta wak un Driekiel mama na Eagle Beach den dia. Pero normalmente turtuganan ta subi den scuridad di anochi pa traha su neishi.
Turtugaruba ta pidi ayudo di tur hende pa lo siguiente:
Ora ta observa un turtuga subiendo of ta riba beach poniendo webo.
- Na prome luga tuma contacto cu Turtugaruba
- (Turtle Hotline + 297 5929393)
- No aserca e animal, tene distancia. (por lo menos 10m)
- Mayoria parti e turtuga subi tera den e scuridad di anochi.
- Paga tur e luznan den vecindario. “Sea turtles dig the dark”.
- No saca potret cu flash ni tampoco uza flash light ni cell phone.
- Luznan artificial por stroba e turtuga di traha neishi. Tin posibilidad cu e turtuga ta drenta lama bek i laga cay e webonan den e awa. Anto full e neishi ta bay perdi.
- Limita movecion y zonido pa no distrae e animal.
- No purba yuda e turtuga bay bek lama pero percura cu no tin hende entre e animal i lama. Si su wowo no ta wordo molestia pa luz artificial e turtuga lo regresa lama bek sin problema.
- Full e proceso por tuma dos ora.
Ta hopi great si abo ta wak un turtuga, pero zorg cu e turtuga no ta wak bo!
Pa mas informacion por tuma contacto cu Turtugaruba:
TURTLE-HOTLINE: +297 5929393 E-mail : turtugaruba@hotmail.com
of wak nos riba Facebook: www.facebook.com/Turtugaruba
Di antemano un danki masha grandi pa bo(so) ayudo
