Como 900mil mucha a keda huerfano of separa di nan famia, sin cas y afecta pa e horcan Idai, mita di 1.8 miyon persona impacta den henter e pais, segun e gobierno di Mozambique.
E muchanan ta den campamento, pero den estado dificil pa nan. Ainda no tin claridad di cuanto mucha a keda sin mayor, tampoco cuanto morto of desapareci tin na Mozambique, Zimbabwe y Malawi, cu ta e areanan afecta pa e horcan.
Famia cu a wordo separa den e caos, hopi mucha a perde un mayor of tur dos. “Nos ta preocupa pa e muchanan”, Henrietta Fore a bisa, kende ta director ehecutivo di organisacion di Nacionnan Uni pa mucha, Unicef.
E evaluacion inicial ta indica cu mas di 2600 klas a ser destrui y 39 centro di salud afecta. Como 11mil casnan a keda completamente destrui. “Esaki lo tin consecuencia grave den educacion di mucha, pa acceso di servicio di salud y bienestar mental, e situacion lo bira pio, malesa tambe manera colera, malaria y diarea, cu por converti den un desaster catastrofico”, Fore a bisa.
Segun Juta Joao Sithole, kende ta representa 350 persona di ciudad di Buzi cu ta busca refugio, ta splica cu den un gym di un scol secundario, Samora Machel na Beira, tin 12 mucha sin mayor. Agregando cu e muchanan ta entre 4, 5, y 7 aña di edad. Mucho otro mucha den Mozambique awo conoce hamber y falta di vivienda y crecemento di riesgo pa malesa, pa algun mucha cu a sobrevivi e tormenta.
