(CNN) – Un temblor di magnitud 6.1 a sacudi Bogota y centro di Colombia ayera diahuebs, segun rapportnan di Servicio Geologico di Merca (USGS).
E foco sismico tabata na 10 kilometer di profundidad y epicentro a keda ubica na 16 kilometer na nort di Cumaral, na Meta. 33 kilometer ubica di Villavicencio, capital di departamento di Meta.
Servicio Geologico Colombiano tambe a reporta cu e temblor a sucede 12:04 di merdia di ora local y a firma cu e epicentro tabata na municipio El Calvario, na departamento di Meta.
13 minuut despues, 12:17 di merdia e organismo Colombiano a registra un replica di magnitud 5.6.
E di tres replica di magnitud 4.8 a tuma luga como epicentro e municipalidad di Acacias, na e mesun departamento 12:40 di merdia.
Den imagennan riba rednan social di diferente medionan local ta mustra con e hendenan a sali caya despues di haci un evacuacion na edificionan di e capital di e pais.
Trahadonan di algun companianan a registra e evento aki durante nan jornada laboral y con e protocolnan di emergencia a activa.
Di su parti, alcalde di Bogota, Claudia Lopez, a pidi na e ciudadanonan di e capital Colombiano pa “mantene e calma” debi na e movementonan registra den ultimo minuutnan ey.
“Fuerte temblor na Bogota. Nos tin cu mantene e calma y precaucion. Nos ta verificando tur e sistema di rapport y atencion di emergencianan pa verifica,” e funcionario a bisa riba Twitter.
