This image provided by researcher J. Larsson in February 2024, made from a combination of Hubble Space Telescope images, shows the aftermath of supernova 1987A. Scientists have confirmed that the exploding star morphed into a neutron star, one of the oddest objects in the universe. (J. Larsson via AP)

(AP)—Cientificonan a confirma kico a resulta di un strea cu a explota den un supernova visibel pa Tera mas cu tres decada pasa: el a transforma den un strea neutron, un di e obhetonan mas straño den e universo.

Na 1987, un strea den un galaxia cercano a bira un supernova y su restonan a ser detecta den e shelo nocturno di Tera pa varios luna. Cientificonan a pensa cu ora e centro a colapsa, e restonan lo transforma den sea un “black hole”, unda nada ta scapa; of un strea neutron, e obheto mas denso den e universo na banda di e black hole.

E problema tabata cu tabatin asina hopi resto, astronomonan no por a mira nada den e stof. Pero e Webb Space Telescope di NASA a corte den e stof por medio di mira aden cu luz infrared y a mira dos signatura kimico—argon y zwavel—di un strea neutron, segun e estudio publica diahuebs den e revista Science.

Mirando cu e explosion tabata recien y a ser documenta, e descubrimento lo mester yuda astronomonan compronde e tipo di incidente cosmico aki y su antecesornan cu a yuda yena e universo cu elementonan importante manera carbon y hero.

E strea neutron ta solamente 20 kilometer di un banda pa otro, pero ta pesa 1.5 biaha mas cu nos solo. E ta denso cu tiki espacio entre partinan di su atomonan. E resultado di e supernova yama 1987A probablemente ta e unico biaha cu astronomia moderno a mira e nacemento y e prome añanan di un strea neutron, aunke tin algun mas cerca pero mas bieu den nos galaxia, cientificonan a bisa.

“Banda di e black hole, esakinan ta e obhetonan mas exotico cu nos tin den nos universo,” segun autor principal Claes Fransson, un astrofisico na Stockholm University na Suecia. “Nos ta tocante e obhetonan aki desde añanan 1960, pero nos no a mira ningun di nan ser transforma.”

Imagennan di e restonan di e supernova ta mustra kico Fransson ta yama “un renchi di perla” circulando un nubia di stof. Memey di esey e strea neutron ta, el a bisa. Cientificonan a sospecha di hopi tempo caba cu e centro colapsa awo ta un strea neutron. Pero e medida aki pa e telescop Webb, aunke e no ta un imagen directo di e strea, ta provee un contesta basta definitivo, Fransson y otro cientifico a bisa.