Gobierno lo bay nombra un management team pa asina dirigi TeleAruba. Minister Romero (MEP) a splica cu ya caba tin dos persona pa maneha TeleAruba pa asina wak si e situacion lo mehora.
Actualmente Tele Aruba ta haciendo nan maximo esfuerso awor pa asina mehora e situacion eynan, pero esaki mester di atencion, esaki ta segun e mandatario. E mandatario ta bisa cu no tin un dia specifico cu lo nombra e dos personanan aki ainda, pero esaki lo pasa pronto.
Un di e problemanan cu e planta di television nacional tin, no ta solamente e programacionnan, pero tambe social media mes y medionan ta matando no solamente Tele Aruba, pero tambe otro medionan y diferente radionan. E mandatario ta splica cu esey tambe lo conoce un cambionan pronto.
Parti financiero TeleAruba
Ultimo aña aki TeleAruba a core den un perdida chikito, pero tambe tin placa afo cu mester wordo treci aden. E suma ta varia entre 1 pa 1.5 miyon den cora. E mandatario ta bisa cu den e tempo aki no ta facil pa ningun medio di comunicacion of radionan tambe no por competi cu e tecnologia cu tin eyfonan y otro diferente medionan cu bo por uza pa asina trece e informacionnan dilanti.
E mandatario ta bisa cu esaki ta keda un challenge y cu mester bay wak con pa haci pa breakeven cu TeleAruba. Setar ariba su mes ta bayendo bon y nan ta bezig constantemente cu cambionan y innovacionnan, esaki ta pone cu nan ta keda competitivo. Ta asina cu ta wak cu e aña aki TeleAruba lo bay cay den un debe, pero ta spera cu otro aña por breakeven pa asina sali di esaki.
