(AP) – Biyones di dollar a ser inverti den esfuerso pa personana cu no tin cas y pa saca nan for di caya na California, sinembargo sistemanan di computer anticua yen di data eroneo no por prove informacion basico manera unda tin un cama di shelter habri, falta di eficiencia por causa consecuencianan pisa.

E problema ta specialmente agudo na Los Angeles, unda mas di 45,000 persona, hopi cu ta sufri di problema mental serio, adiccion na substancia of ambos, ta biba den gruponan cu a plama den practicamente cada barrio y unda cantidad di RV bieu ta cubri henter parti di un barrio.

Te hasta den e estado cas di Silicon Valley, tecnologia no a mantene su mes na mesun nivel cu e crisis andando pa hopi tempo caba. Den tempo unda cualkier persona por reserva un camber di hotel of huur un vehiculo cu algun accion riba celular, no ta existi un sistema cu ta provee un lista comprensivo di unda tin shelter cu cama disponibel na Los Angeles, cas di 1 den cada 5 persona sin cas na Merca.

Mark Goldin, hefe di tecnologia na Better Angels United, un fundacion, a describe Los Angeles su tecnologia como “sistgemanan cu no ta papia cu otro y tin falta di data berdadero, nungun persona riba e mesun pagina sa kico ta real y kico no ta real.”

E sistemanan no por contesta “exactamente cuanto persona tin riba caya na cualkier momento. Unda nan ta?” el a bisa.

E mehoracion aki por nifica pa e personanan cu ta riba caya si nan lo drumi pafo un dia mas of no, un diferencia cu por menasa nan bida.

“Nan no ta dunando e servicio na e personanan na un momento unda e personanan aki tin mester di dje of ta mentalmente cla pa acepta esaki,” Adam Miller, negociante di tecnologa y CEO di Better Angles a bisa.

E problemanan tabata cla na sitionan sushi manera Silver Lake, unda Sara Reyes di SELAH Neighborhood Homeless Coalition a lidera boluntarionan cu a duna awa, meja y cuminda na e personanan aki, incluyendo un cu aparentemente tabata inconsciente.

El a duna tambe postcard cu a adres di un misa cercano unda e coalicion ta duna cuminda cayente y servicionan.

Pa fin di e bishita, Reyes a cuminsa skirbi nota riba su telefon, cual despues lo ser hinca den un spreadsheet di e coalicion y eventualmente copia pa ser hinca den un base di dato federal. “Cualkier momento cu bo move di un media pa otro, bo por perde data. Nos sa cu no semper nos tin e informacion completo,” Reyes a bisa. “E victimanan ta e personanan na ken e sistema mester brinda servicio.”

E tecnologia a bira pio mientras cu e población sin cas a aumenta. Algun ta puntra con bo por combati e problema sin data confiabel pa sa con grandi e bista ta? Un recuento anual di e personanan cu ta biba riba caya a mira un disminucion chikito den e población, sinembargo algun experto ta cuestiona con berdadero e data ta y e gruponan aki por ser mira practicamente tur caminda.

Alcalde di Los Angeles Karen Bass a señala e partinan unda e tecnologia no ta apto entre e obstaculonan cu e ta enfrenta den programanan pa e personanan aki y a describi e ciudad su esfuerso como poco poco pa atende e crisis, y a yama esaki “construi un avion mientras bo ta bulando e tambe.”

El a bisa anteriormente e aña aki cu 3 pa 5 persona sin cas ta fayece tur dia riba cayanan di Los Angeles.