(NOS) Un team di Inspectie a sali di base aereo na Eindhoven pa bay investiga con por ta posibel cu e helicopter den cual tabatin 4 tripulante, di cual 2 a fayece, por a cay den lama cerca di Aruba.
Den e team tin miembronan di Inspectie Veiligheid Defensie, Onderzoeksraad voor Veiligheid y recherchenan di KMar (Marechaussee). Ayera merdia e curpanan di e dos victimanan cu a fayace a wordo hiba na Corsou. Ta trata aki di e dos militarnan, Christine Martens (34) kende tabata piloto, y Erwin Warnies (33), kende tabata coordinado tactico.
Nan curpanan a wordo hiba Corsou pa e nave di patruya Zr. ms. Groningen. Anteriormente a purba bay busca e helicopter prome cu e lo zink. E helicopter tabata drief den lama habri pa via di un par di ballon oraño cu ta diseña pa activa ora e helicopter toca awa. Pero pa via di e lama bruto y biento duro no a logra recupera e helicopter. E helicopter gezink ta situa 100 kilometer den direccion west di Aruba, 1 kilometer hundo.
