Un avion cargando 81 hende, incluyendo top team di futbol di Brazil, a cay yegando e ciudad di Medellin na Colombia. Polis ta bisa 5 persona a sobrevivi e accidente aki anto e resto a fayece. Segun reportahe, un otro persona a wordo haya bibo despues. E avion tabata bulando desde Brazil pa Bolivia anto tabata cargando henter e team di Chapecoense. 3 di esnan cu a sobrevivi ta hungadornan di futbol; defensor Alan Ruschel, y keepers Jackson Follman cu Marcos Padilha tambe conoci como Danilo.
E team tabata na caminda pa hunga na final di Copa Sudamericano anto tabata tin 21 periodista deportivo abordo tambe.
Locual ta conoci te ainda
– Avion tabata opera door di aerolinea charter Lamia, originalmente di Venezuela pero basa na Bolivia.
– E avion tabata cargando 72 pasahero incluyendo 9 miembro di staff, den esaki tabata tin e miembronan di e team Chapecoense.
-Bulando desde Bazil bayendo direccion Medellin, Colombia, despues di un stop na Santa Cruz, Bolivia.
-Avion a cay 10:15 di ora local despues cu piloto a reporta un fayo electrico.
– 6 persona a sobrevivi e accidente incluyendo 3 hungador di futbol.
Fuente: BBC
