Ayera tardi laat SMAC ta comunica cu Jouvert Morning lo conta cu participacion di 11 banda. Jouvert Morning ta tuma luga diasabra mainta for di 4or te cu 9or.
Ta hustamente un dia prome cu a bira conoci un lista cu 7 banda cu lo participa pa Jouve manera e ta wordo yama crioyamente. Sinembargo organisacion SMAC a haci maximo esfuerso pa trece e line-up varia cu tin awo. Youth X – Treme mes ta un banda cu pa 3 aña no a participa na Jouve y asina tin cantidad di banda cu tin hopi aña cu no a participa, mucho menos hunto na Jouve.
Pa hopi aña tabata mustra manera e tabata un gran reto pa Jouve tuma luga. Mirando cu bandanan ta participa gratis, a base di nan mesun boluntad. Sinembargo semper a conta cu participacion di un multitud grandi di hende local y bishitante cu ta bula bin pa “maak mee” Jouve.
Sigur e line – up ta keda un topico di discusion particularmente riba Facebook como cu un banda cual ta Le Groove cu pa hopi aña a participa fielmente na Jouve no ta forma parti di Jouve e aña aki. Tin entendi cu e lo ta tocando si prome cu e actividad cuminsa. E noticia aki tin sui fanaticonan poco disgusta y tin hopi tiramento di palabra pa locual cu por ta e motibonan tras di su no participacion. Teniendo na cuenta cu Le Groove si a participa ora cu otro bandanan no tabata forma parti di Jouve y asina a logra mantene e jump up bibo tambe.
Informacion cu a ricibi si ta cu Le Groove lo ta tocando na Guadalajara Bar na un fiesta di Pre Jouve.
Bandanan confirma pa Jouve
Tsunami, Dushi Band, BMW, 4real, Flashback Band, N-Fuzion, NBO, D-Licious y Rey di Tumba 2016, Youth X-Treme, The Failures y Oreo. Hunto cu DJ: Mike’s Disco.
E line – up ta hopi varia y lo ta algo pa presencia cuanto hende realmente ta bay atende e evento aki cu practicamente ta conta cu casi tur banda di carnaval e aña aki.
.JPG "Sra. Yvette Geerman di Dep. di Higiena: “Ley ta bisa cu si no tin carchi di salud na ordo, bo no por bende cuminda”")
