PHILIPSBURG – E interes di e investigacion criminal cu ta andando “Larimar” E grupo di Taskforce di anticorupcion (TBO) di e detectivenan nacional (RST), a conduci un varios entrada hudicial na casnan y oficinanan na Sint Maarten y Corsou.
Como resultado di e entrada hudicial aki bienesnan a keda confisca y e sospechosonan G.P. y R.E. a wordo deteni. E investigacion “Larimar” ta subraya corupcion, labamento di placa y pagonan di soborno na un funcionario publico na Sint Maarten di un empresa di construccion.
Den conexion cu e reconstruccion di Sint Maaten despues di horcan Irma,TBO ta riba alerta pa señanan di corupcion y fraude tanto den sector publico como den construccion. TBO ta un forsa di colaboracion cu ta consisti di RST y e y e oficina di procurador general di Corsou y Sint Maarten, Boneiro, Saba y Sint Eustatius.
TBO ta specialisa den combatimento di crimen financiero y corupcion di investiga varios aspectonan di fraude, manera fraude di impuesto, falsificacion y labamento di placa. Corupcion ta disminui e ingreso di e pais y tin un impacto negativo den e prosperidad economico di e pais. Corupcion ta causa un competencia desleal y como resultado un falta di confiansa den e gobierno.
