Taylor Swift ta sinti realmente orguyoso di con su musica a desaroya a lo largo di e añanan.
E strea di ‘Evermore’ reflexiona tocante su canticanan te na momento cu e lansa Fearless pa prome biaha. Admitiendo cu tabata realmente special pa graba su prome album na e mesun tempo cu e tabata trahando den e regrabacion di su album di 2008.
E la bisa : “Nan a permiti mi cuminsa graba mi musica na november. Na e momento ey ya nos tabatin gran parti traha pa Evermore. Mi a filma un video musical pa Willow, pero ainda mi tabata skirbiendo y grabando. Asina ta cu lo tin dianan unda mi lo ta grabando ‘You Belong with Me’ y despues mi lo ta grabando un cantica manera Happiness, cu ta emiti pa semper y e la laga mi sinti hopi orguyoso di e alcance di cosnan.”
Y e cantante di 31 aña, cu ta saliendo cu Joe Alwyn, ta sinti un masha hopi gratitud pa por bolbe graba e musica di su adolescencia.
Papiando cu Zane Lowe di Apple Music, e la agrega: “Y mirando atras ora mi tabata un adolescente y mi tabata skirbi tocante mi problemanan na scol y drama y tur e cosnan ey, tur esey tabata valido pa mi den e momento ey di mi bida. Igual cu semper ta algo valido pa mi felicidad na e momento ey di mi bida. Asina ta cu ultimamente mi a sinti hopi agradecido door di e personanan cu a duna mi e capacidad di crece creativamente. Y mi sa cu tabatin inconveniencianan y tabatin momentonan den cual hende a bisa ‘mi no gusta’ varios biaha, pero den su mayor parti, mi ta sinti un gran gratitud pa por a haci musica desde mi adolescencia te awo cu mi 31 aña.”
