E aña aki Festival di Buki pa Mucha su tema ta: ‘Dushi Cabesura!’ Biblioteca ta organisa un tayer pa maestronan, pa asina duna nan idea y tips con pa traha cu e tema den klas.
Lo tin un presentacion cortico di nos Mediateca escolar, duna pa Valerie Figaroa, hefe SMD, unda lo mustra e trabounan na diferente biblioteca escolar.
E aña aki dos facilitado di IPA ta guia e tayer. Nos ta presenta Daylan Krozendijk, docente di Teatro na IPA. Tema di su presentacion lo ta: “Cabesura y locura cu drama”. E lo mustra con pa uza Drama na un manera activo pa integra y enfatisa e tema ‘Dushi Cabesura!’.
Tambe ta presenta facilitador Gino Vrolijk, cu ta Praktijkdocent na IPA. Sr. Vrolijk ta presenta: ‘Pensa critico nivel Cabesura!’ Gino vrolijk ta mustra con pa formula preguntanan pa storia pa stimula e diferente nivelnan di pensa cerca mucha.
Tambe e aña aki tin 2 scol invita cu lo duna presentacion cortico di nan aperturanan den pasado, pa asina maestronan por haya ideanan nobo pa cu apertura na nan scol.
Tayernan ta dia 23, 24 y 25 di September, di 3:00 pa 4:30 PM. Dia 23 y 24 lo ta na Biblioteca Playa y dia 25 di September lo ta na biblioteca San Nicolas. Invitacion pa e tayer ta sali e siman aki y por pidi e formulario di inscripcion tambe na e-mail kbfaruba@gmail.com, attn. Valerie Figaroa.
