ATIA (Aruba Trade and Industry Association) a tene nan evento cu International Organization Employer, cu a organisa siman un tayer caminda lo toca e tema di habilidadnan pa empleo di hubentud, y desaroyo den Caribe.
Director di ATIA, Michelle De Groot a duna di conoce cu como organisacion di dunado di trabou y negoshi ta bin den e tayer aki. Den e tayer lo participa representante di organisacion di negoshi di 18 pais of isla den Caribe.
Lo tin representante di ILO y di Caribbean Employers Federation. IOE ta un organisacion internacional cu mas di 150 miembro den mas di 140 pais rond di mundo. “Otro aña e organisacion aki lo cumpli 100 aña di existencia. Nan tin asiento rond den mesa di reunion di Nacionnan Uni, G20, G7 y otro foro internacionalmente importante”, De Groot a splica.
Tambe cu IOE su vision ta pa crea ambiente economico sostenibel pa tur pais rond di mundo. Di e forma aki ta promove empresanan husto y beneficioso pa sociedad di negoshi. Algun tema cu e organisacion a concentra riba dje ta desaroyo sostenibel, migracion laboral, derecho humano y conducta responsabel di negoshi, habilidad di empleo pa e futuro di trabou.
Atia ta orguyoso cu IOE a scoge Aruba pa organisa un tayer importante. Pa nan ta un honor di tin diputado secretario general, Matthia Thorns di International Organisation of Employers.
Tambe nan tin Wayne Chen, presidente di Caribbean Emplyers Council, cu ta un organisacion pa empleado den Caribe y ta conta cu 19 miembro.
Matthias Thornst a enfoca riba diversidad den relacion internacional, labor internacional, derecho humano y desaroyo di habilidad. “Nos capacidad pa influencia y representa e compania miembro, ta trece e cambio pa trece conscientisacion den area di trabou.”
Den reunion nan ta papia di problema di sistema, gobierno, y organisacion no gubernamental. Nan ta uni cu nan miembro den e region pa asina siña a realidad di Caribe, pa nan por conoce, wak kico ta spera, pa nan wak tambe kico tur ta pasando rond di mundo.
Con por keda desaroya den area di negoshi pa asina keda competitivo, pa e trahado por adapta miho y ta sigur di su habilidad den e mercado laboral. E habilidad pa e sociedad hoben sa adresa problema y resolve esaki, asina ‘tin posibilidad di siña otro y bay padilanti’.
Tambe a comparti tocante e parti migratorio, cu ta un di e puntonan mas importante den agenda rond di mundo. Con manera New York a adapta regla pa negociacion xenofobico rond di mundo.
Wayne Chen a comparti tocante e desaroyo positivo den e region di Caribe. “Nos topico ta pa prepara hubentud lihe, mirando e ambiente global cu ta cambiando, den area di tecnologia y cambio den area di trabou.”
Asina tin competencia y oportunidad pa e hoben. E sistema educativo cu e mercado mester, educacion su proceso mester ta mas adaptabel y lihe pa e hoben. Mas organisacion di sector di innovacion, cu ta importante centro di creacion y innovacion, pa asina keda crece ‘pa laga Aruba bin cu un plan di accion pa tema aki’.
