“Di un paisahe pa e otro” ta e tema interesante di e tayer nobo di pintamento na Ateliers 89 punto di Beyas Arte Aruba, bou guia di e artista maestro Elvis Lopez.
Awe Dialuna14 di october 6.30pm ta cuminsa na Ateliers ’89 e tayer di pintura na Ateliers ’89, cu ta mustra di lo bira hopi interesante. Pa duna e participante e posibilidad di mehora y engrandece na pintamento lo mira diferente temáticanan importante pa realisa un pintura.
Hopi bes ta constata fayonan chikito innecesario den diferente tipo di tecnica di pintamento. Durante e cuatro simannan aki lo pone hopi mantencion con pa mehora bo obra y kico ta e base y kico ta busca pafor di e paisahe actual.
No perde e momento unico aki pa participa na e tayer aki y comparti hunto cu e maestro y participantenan pa yega na un exposicion final di alto nivel. No semper ta facil pero challenge bo mes y bin y participa.
Ateliers ’89 ta situa na Dominicanessenstraat 34 y ta habri pa un y tur for di 12 aña pariba. Pa inscribi por manda un mail na elvis@ateliers89.org o yama na 565-4613.
Tambe por bin di mes awe Dialuna anochi na Ateliers ’89 cu bo mesun materialnan di pintamento y participa den un ambiente unico, profesional y agradabel.
