Taxistanan a sinta cu minister di Transporte, Otmar Oduber, entre otro riba e controversia di all-inclusivo awor cu e mandatario kier cambia e ley pa asina limita e concepto di turismo aki pa Aruba.
E grupo di taxista representa pa Shamila Loefstok a entrega un manifiesto di sosten firma pa 255 taxista di e 450 taxista total na Aruba.
Loefstoek ta bisa despues cu e ta statisfecho con e reunion a bay cu e minister. Specificamente tambe cu a tende cu lo no bin mas taxista na Aruba. E tambe ta menciona cu mayoria ta contra all-inclusive pa motibo cu esaki ta perhudica nos isla. Pa cu e trabou di e taxistanan tambe e ta nifica menos entrada pasobra e turistanan ta keda ‘cera’ den nan hotel.
E entrevistanan completo por lesa pronto den e edicion di Bon Dia Aruba.
