Shamilla Loefstok, hunto cu otro taxista, a comparti nan preocupacion pa asunto di belasting y luz pa taxi, pa asina por mustra cu ta un taxi garantisa. Un forma cu taxi por tin un number y no falsifica esey. Pa e plachi number ta un solo color.
E ta comparti cu e esey ta locual nan a pidi pa asina por tin un miho control. E luz ta uno moderno pa pone riba auto, pa asina e turista por sa cu ta taxi di berdad. E parti cu cada taxi ta haya un number pa e turista sa cua number lo pasa cerca dje.
Pa e number di plachi bin di un solo color, pa asina sa di biaha ora di control cua ta e taxi di berdad y e taxi pirata. Un miho forma cu e turista por sa si el a scoge esun corecto ora cu number y logo ta cuadra.
Loefstok ta bisa cu tin persona di tour cu turista ta pensa cu ta taxi. Esey ta trece confusion cerca e turista. E ta pidi pa tin cambio den T di taxi. “Nos mester tene na regla y ley. Nos a pidi parlamento, nos kier cera e buraco di ley y discuti luna largo cu minister na mesa; pero si ley tin buraco habri nos no por haci nada. Mester traha ley y cera nan pa pone ordo na e pais aki.”
Pa locual ta trata belasting, Loefstok a bisa cu tin varios luna pa bin cu un tarifa fiho pa paga. E ta splica cu pa aña, nan por hinca e tarifa exacto pa cumpli cu responsabilidad. Nan ta pidi esaki pa asina tin un miho manera pa paga y cumpli cu belasting.
Nan a pone pa januari como fecha limite cu nan kier mira un cambio. Ta pidi pa mas control di aeropuerto, e tema di luz pa tur taxi tin miho, y pa sistema bira completamente digital riba caminda, unda cu inspectie no mester sali pa wak si taxista tin tur cos na ordo, sino nan por wak automaticamente.
Si tin algo cu ta caduca, nan lo yama y pidi pa wordo drecha e problema y trece di biaha pa nan. “E peticion ta riba mesa for di luna pasa. Nos kier union, y pa nos tur pone cabes y atende cu problema cu tin. Mi no ta vocero di ningun hende, pero ta hunto pa soluciona.”
