(NLTimes)—Baby Bente, ken a nace diadomingo riba caretera A13 banda di Delft ta bayendo bon, segun su tata, Luca, a conta RTL Nieuws. Mama Shannen tambe ta recuperando bon di e nacemento memorabel di su segunda yiu, el a bisa.
Shannen y Luca tabata coriendo bay hospital diadomingo atardi cu nan partera den otro auto tras di nan. “Mi partner eigenlijk no kier a bay cu auto pasobra e no por a sinta. E tabatin hopi dolor, pero na final nos no tabatin mas opcion y nos mester a sali lihe. Afortunadamente, nos tabatin nos partera cu nos caba.”
Pero ta parce cu e hospital tabata mucho leu. “Su awa a kibra caba pa ora e partera a yega nos cas. Den auto nos a descubri cu e tabata dilata completamente caba. 30 seconde prome cu Shannen a duna luz, nos a para e auto na banda di caminda. Despues tur cos a pasa hopi lihe y mi a corta e cuerde umbilical riba caminda mes.”
Polis y ambulance a yega lagun momento despues. Nan a blokia e salida di Delft y a ofrece apoyo. Ambulance a tuma mama y yiu y a hiba nan hospital pa un checkup. Ambos ta bayendo bon y ta sosegando awoki, segun Luca a bisa. “En todo caso, mi no ta bay lubida di e nacemento aki.”
Segun e tata, Bente a haya popchi di beer di parti polis y paramediconan, y e departamento di obra publico Rijkswaterstaat a duna e baby e marca hectometer riba caminda unda el a nace.
