Segun informacion di Ministerio Publico, awe tabata tin sentencia riba caso di tata cu a maltrata su yiu di 7 siman gravemente den luna di maart 2016. Su inicialnan ta JGT.
El a wordo condena pa 36 luna, di cual 6 ta condicional y ta haya 3 añaproeftijd. Condicion particular ta cu e ta bay bao guia di reclassering, segun Ministerio Publico.
Ultimo desaroyo salud baby
E mucha a sobrevivi si pero tabata gravemente herida na e momento ey. E maltrato a tuma luga na maart 2016 anto dado momento e caso a bin dilanti pro forma y hues a dicidi despues pa pone e sospechoso den libertad. Ministerio Publico a apela e decision aki y e sospechoso a bay bek den detencion e tempo ey.
Indicacion cu nos matutino a ricibi cu e baby cada dia tabata birando mas miho segun fuente di confiansa cerca di e mama di e baby.
