Taskforce di Reino pa Derecho di Mucha ta celebra su di 10 aniversario cu un conferencia di trabao

E aña aki, Taskforce di Reino pa Derecho di Mucha ta celebra su di 10 aniversario cu un conferencia di trabao. E conferencia di trabao, cu lo tuma luga di 13 pa 16 di mei na Boneiro, lo sirbi como un momento di refleccion riba logronan alcansa durante e 10 añanan i pa alabes wak pa dilanti a base di e metanan di Taskforce. Un elemento importante ta desaroyo di e cuadro strategico di forma conhunto.

E enfoke di e conferencia di trabao lo ta riba e plannan di accion di, y acuerdo di colaboracion entre e seis islanan, basa riba e strategia pa 2023-2028. E metanan strategico aki ta basa riba e puntonan di enfoke stipula den e MoU firma pa e paisnan i entidadnan publico di Reino na october 2023 na Corsou. E MoU aki ta un prolongacion di e MoU inicial firma na 2018.

Durante e ultimo 10 aña Taskforce a logra varios resultado concreto riba e seis islanan di Reino. Algun ehempel ta: firmamento di un convenio pa implementacion di un plan strategico cu ta promove cooperacion, ehecuta pa medio di Centro pa Hoben y Famia na Aruba, participacion activo di hubentud den desaroyo di e maneho pa hubentud nobo di Boneiro, lantamento di un plataforma di hoben na Corsou, lansamento di Telefon pa Mucha na Saba, introduccion di un tienda di educacion na St. Eustatius, y desaroyo di un programa di educacion na St. Maarten.

Tocante Taskforce

Taskforce su historia ta bay bek te na e Conferencia di Reino cu a tuma luga dia 2 di april 2014 na Aruba. Durante e conferencia aki, mandatarionan di Reino a enfatisa cu cada mucha den Reino tin derecho riba un bon infancia, manera stipula den e Tratado Internacional pa Derecho di Mucha (IVRK). E Conferencia di Reino a conduci na lantamento di Taskforce, cu e meta pa stimula cooperacion riba tereno di derecho di mucha den Reino y pa mehora implementacion di derecho di mucha den parti Caribense di Reino. Taskforce ta consisti di representantenan di hubentud y famia di Aruba, Boneiru, Corsou, Saba, St. Eustatius, St. Maarten, y representantenan di Ministerio di Asuntonan Interno y Relacionnan den Reino (BZK) y Ministerio di Salud, Bienestar y Deporte (VWS). UNICEF Hulanda ta Taskforce su consehero.