Un task force ta un organisacion temporario crea specialmente pa resolve un problema particular. Entrante awe 31 di maart e task force crea pa controla esunnan den cuarentena forma pa personal di Departamento di Salud Publico (DVG) y Cuerpo Policial di Aruba a cuminsa bishita e prome casnan.
Por bisa cu riba e prome dia di control e task force encarga cu control di esunnan den cuarentena a controla 28 cas, di cual 1 persona no por a wordo localisa na su adres, pa cual motibo e persona a haya un multa di Afl. 1000.
Departamento di Salud Publico y Gobierno ta alerta tur esunnan cu a wordo instrui pa DVG pa bay den cuarentena, pa nan mantene nan mes na esaki y no sali for di cas bou ningun circunstancia. Obedece e instruccion aki a pesar cu porta bo no tin ningun sintoma pa evita di sigui plama e virus.
Tambe tin un pagina di Facebook asigna unda comunidad por raporta anonimo tur esunnan cu no ta cumpli na e orden implementa riba dje. E Facebook ta:
https://www.facebook.com/covid19arubahacibodenuncia
Es cu no cumpli cu instruccion di DVG lo haya un multa pa incumplimento na orden di cuarentena.
