Segun resumen di Departamento di Salubridad Publico DVG, ayera na Aruba a registra un tasa di positividad pa e virus di coronavirus di 43 porciento.
Segun e resumen di ayera, 69 persona a recupera di Covid-19. A registra un total di 3 caso nobo, di cual 6 no ta residente. E cantidad total di test ehecuta na e diferente localidadnan na Aruba, entre otro, laboratorio di hospital, laboratorionan priva y na aeropuerto, tabata 666 test. E tasa di positividad entre nos residentenan pues a keda na 43 porciento, loke ta hopi halto. Manera autoridadnan di salud local y internacional a yega di informa, un tasa di positividad halto ta un indicacion cu no tin suficiente hende ta haciendo test.
E cantidad di caso activo tabata 538, mientras e cantidad di fayecido ta 90.
Di su banda, hospital Dr. Horacio Oduber a informa cu tin 37 persona hospitalisa pa Covid-19. Di esakinan, 13 ta den Unidad di Cuido Intensivo ICU, mientras 24 ta isola riba piso general di Covid.
