Segun resumen di Departamento di Salubridad Publico DVG ayera relaciona cu e desaroyo di pandemia di Covid-19 na Aruba, e tasa di positividad entre residentenan tabata 27%, cual ta hopi mas halto cu e 5% recomenda pa autoridadnan di salud.
Segun resumen di ayera, 31 persona a recupera. A registra un total di 25 caso nobo di Covid-19, di cual 9 ta no-residente. E cifra di no-residente positivo ta encera esnan no-residente cu ta test na aeropuerto na nan yegada y na laboratorionan prome cu nan bandona Aruba. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 562 test, lagando e tasa di positividad (‘Postivity rate’) entre nos residentenan na 27%.
Casonan activo pa awe ta 272, cantidad di fayecido relaciona cu Covid-19 ta keda 68.
Hospital ta informa cu tin un total di 16 persona interna, di cual 5 ta den Unidad di Cuido Intensivo y 11 riba unidad general di covid. Edad promedio di esnan ingresa pa extra cuido ta 63 aña.
