Segun resumen di ayera di Departamento di Salubridad Publico DVG tocante pandemia di coronavirus na Aruba, ayera a registra un tasa di positividad di 30%.
E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 761 test. Un tasa di positividad halto ta nifica cu hende cu tin e malesa no ta haciendo test. Pa e motibo aki ta recorda tur hende cu na momento cu ta presenta cualkier sintoma di Covid-19 – manera tosamento, kentura – mester yama dokter di cas pa inscribi pa test.
Igualmente, DVG a informa cu 103 persona a recupera, mientras cu a registra un total di 45 caso nobo di Covid-19, di cual 11 no ta residente.
Casonan activo pa ayera tabata 619, mientras e cantidad di fayecido relaciona cu Covid-19 ta 82.
Di su banda, Hospital Dr. Horacio Oduber ta informa cu tin un total di 44 persona interna di cual 14 ta den Cuido Intensivo y 30 riba unidad general di covid.
