Recientemente un homber a descubri un tarantula den druif na un supermercado na Arnhem, el a bisa cu e lo keda cu e bestia como mascota. den Akker inicialmente no a wak e haraña ora cu el a curpa e druifnan Chileno sin simia di Albert Heijn pa duna su yiu homber, pero a wak e bestia ora el a bay back pa cumpra mas.
“ Mi a haya un shock. Mi no tabata sa kico pa haci, pero despues a corda cu mi bisiña sa di bestia’, el a bisa e periodico local Gelderlander. E bisiña Bart Kappen a contact e shop local specialisa de reptiel cu a habri specialmente pa duna un hogar na e haraña. “ Nos ta haciendo un teritorio comodo pe, cu un lus pa calor y tiracochi pa cuminda”, Kappen ta bisa. E tarantula ta yama Grape ainda ta hoben y relativamente chikito.
Un haraña adulto por ta un tamaño di un palma di man. Su mordi no ta peligroso, pero por causa iritacion, Kappem a bisa. E vocero di Albert Heijn, Ronald van der Aart, a bisa cu un haraña den e supermercado ta altamente inusual. No ta cla den cua di e tres fabricanan na unda e pakinan di druif na Chile e haraña por a drenta sin nan sa el a bisa.
“ Nos ta kere cu e tarantula chikito tabata bon scondi den un troshi y a pasa e inspeccion sin ser nota. E temperatura den e container marino ta di 1 grado. Kisas el a drenta hibernacion y despues a lanta aki”. E supermercado a duna e famia e pakete di druif y sin haraña, algo manera un regalo no specifico.
