E uzo di tapa boca no ta afecta significativamente e ingesto di oxigeno of e funcion pulmonar incluso durante un entrenamento intenso, segun un estudio nobo.

Tin mas pruebanan di cu uza un tapa boca no ta reduci e nivelnan di oxigeno, incluso si bo ta durante un entrenamento. Aunke e por ta algo hopi sudoso y incomodo, e tapa boca no ta interveni cu e funcion pulmonar of ingesto di oxigeno di ningun manera significativo pa hendenan saludabel, segun un investigacion nobo publica den Annals of the American Thoracic Society.

Si ta bon algun personanan a keha online of cu nan mediconan cu nan tabata sinti cu nan no por a hala rosea cu e tapa boca, e estudio a descubri cu tur cos ta den e percepcion.

Investigadonan di varios universidadnan a revisa mas di 700 estudionan publica relaciona cu e efectonan di varios tapa boca den e respiracion durante e actividad fisico.

Nan no a haya evidencia cu e tapa boca di tela y e esunnan di operacion ( di enfermera ) ta interumpi significativamente e funcion pulmonar di un persona of reduci e nivelnan di oxigeno, incluso durante un ehercicio. Ademas, tin casonan documenta di personanan cu ta uza tapa boca habitualmente pa ehercicio di intensidad halto sin ningun efecto negativo aparente por ehempel, e atletanan ta drenta cu tapa boca di elevacion, cu ta diseña specificamente pa estresa e sistema respiratorio, ainda ta safe di uza.

“E ta posibel cu un mayor di actividad lo wordo percibi, pero e efectonan di uza un tapa boca den a trabou respiratorio, den gasnan manera e oxigeno y CO2 den e sanger of otro parametronan fisiologico ta chikito. Diariamente e e ta algo masha chikito mes pa wordo detecta” Dr Susan Hopkins a bisa, prome autor di e estudio profesor di medicina y radiologia den e Facultad di Medicina di e Universidad di California na San Diego, a bisa riba un comunicado di prensa.

E respiradonan ta esunnan mas incomodo pa haci ehercicio cune, pero e no lo haci bo malo

E investigadonan incluso a haya tapa bocanan cu mayor proteccion y filtrando, manera e respiradonan N95, cu no ta respeta un peliger pa e personanan cu ta haci ehercicio.

E ta probabel cu e lo ta hopi mas incomodo cu un tapa boca di tela y e sensacion di malestar lo por afecta e rendimento.

Sin embargo, e ekipo di YC San Diego a descubri, si ta e bon e reto di esfuerso percibi tabata e mayor na uza e tapa bocanan, no tabata tin evidencia di efectonan dañino pa e funcion cardiaco y pulmonar, e fluho di sanger na e cerebro of e nivelnan di oxigeno den e sanger.

E personanan cu enfermedadnan pulmonar grave mester papia cu nan medico prome cu haci ehercicio cu tapa boca. E personanan saludabel, independientemente di e edad of sexo, por uza tapa boca durante e ehercicio cu solamente efectonan menor den e funcion respiratorio y e nivelnan di oxigeno, a wordo haya den e estudio.

Sin embargo, a wordo haya cu e tapa bocanan ta causa cambionan chikito den e resistencia di e area cu lo por bira un problema pa e personanan cu enfermedadnan cardiopulmonar garve. Pa e personanan ey, e incomodidad di un tapa boca por ta suficiente pa afecta su capacidad pa haci ehercicio.

Segun Hopkins, e poblacion aki tin un mayor riesgo di COVID-19, loke ta haci cu e medidanan preventivo ta ainda mas importante. Den e casonan ey, el a bisa, lo por ta miho pa consulta cu bo dokter.

E ta posibel cu bo lo por sinti sin aire, pero e expertonan ta bisa cu e ta bira mas facil cu tempo

E investigadonan a reconoce cu hopi hende ta percibi cu ta hala rosea mas dificil mientras e uzo di e tapa boca, pero nan a bisa cu en realidad e no ta mas cu un sintimento.

“Un tapa boca facial por ta incomodo” Hopkins a bisa. “Por tin aumentonan chikito den e resistencia respiratorio. Por bolbe hala aire CO2 mas calido y rapidamente enrikece. Y si bo ta haciendo ehercicio, e tapa boca por haci cu bo cara ta bira cayente y ta soda, “pero esaki ta percepcionan sensorial”

Incluso e expertonan a bisa cu nan ta haya e tapa bocanan algo incomodo durante un entrenamento.

“E tapa bocanan ta hopi util, pero hopi hende no gusta uza nan y ami personal tampoco gusta uza nan, asina ta cu mi ta compronde boso” Dr Linsey Marr a bisa, atleta y experto den renombre mundial den transmision di aereosol den Virginia Tech, Inside a bisa.

Sin embargo, e comprension ta reduci e riesgo di COVID-19, particularmente ora e distanciamento social y e bon ventilacion no ta factibel y cu un tiki di practica, e incomodidad di uza tapa boca durante ehercicio ta disminui un poco.

“Despues di un par di dianan, bo lo por custumbra y e lo ta ok” Marr a bisa.