(CuraçaoChronicle) – E nomber di Petroleos de Venezuela (Pdvsa) oficialmente ta desaparece for di e tankinan di azeta na refineria Isla. E contract di lease cu Pdvsa a keda termina tres aña pasa.
Na 1985, Pdvsa a ricibi e licencia pa opera refineria di Corsou. For di e aña ey, Corsou tabata doño di e refineria di petroleo, a traves di e compania propiedad di gobierno, Refineria di Corsou (RdK). Maske e produccion di Pdvsa ta para pa algun tempo caba, dia 30 di december 2019 ta considera como e ultimo dia oficial. Compania petrolero estatal Venezolano a cay den problema financiero na cas y na otro paisnan.
RdK a duna orden pa pinta e tankinan blanco en conexion cu Pasco. “E decoracionnan di Pasco ta un iniciativa di e ex-empleadonan di Isla cu tur tin un vibra positivo y ta kere den e futuro di e refineria”, segun director di RdK, Patrick Newton.
Incidentalmente, prome minister di Corsou, Gilmar Pisas ultimo weekend a declara cu e candidato preferi, Caribbean Petroleum Refinery (CPR) mester cumpli cu prueba di fondo prome cu fin di aña. Pa hopi tempo, gobierno tabata silencioso riba e tema aki, pero riba diasabra ultimo Pisas a kibra silencio durante un entrevista riba radio.
E “prueba di fondo” – unda e compania mester proba cu tin suficiente fondo pa ehecuta e proyecto – no tabata inicialmente rekeri pa yega na un Heads of Agreement (HoA), pero pa evita cu ta cumpli cu esaki te na e acuerdo final di lease, gobierno a dicidi di haci esaki prome cu e HoA.
Ademas, CPR ta indica cu ta desea di tin claridad exacto tocante e rekisitonan estricto ambiental aplicable cu ta bay aplica den futuro.
