Un ‘suicide bomb’ a mata mas o menos 95 hende y herida 158 mas den centro di e capital di Afghanistan, Kabul, segun autoridadnan a informa. E atakadornan a core den un ambulance cu tabata carga cu explosivonan anto a pasa un checkpoint di polis den un caya cu tabata habri solamente pa trahadonan di gobierno.
E atake a pasa cerca di e edificio di ministerio interior y oficinan di e Union Europeo y High Peace Council.
E Taliban a haci nan mes responsabel pa e atake, cual tabata esun di mas tragico den e ultimo lunanan. Un siman pasa, e militantenan Taliban a mata 22 persona den un hotel luhoso den Kabul.
Fuente: BBC
