(AP)—Dos blaas di spionahe Chines a bula riba Taiwan, segun e ministerio di defensa a bisa dialuna, mientras China ta aumenta presion riba e teritorio autonomo cu e ta declara ta di e pais continente net prome cu eleccion presidencial na januari.
E blaas a crusa e Taiwan Strait cu ta separa e isla for di China y a ser detecta aproximadamente 240 kilometer noordwest di e ciudadnan norte di Keelung diadomingo, segun e ministerio. Esaki tabata e segunda bes e luna aki cu Taiwan ta reporta un blaas Chines cerca di su teritorio, despues cu un a crusa den parti zuidwest di Keelung dia 7 di december.
E potencial di China pa uza blaas di tempo pa spiona riba otro gobierno a bin dilanti na comienso di aña, ora Merca a deriba un sospechoso blaas di spionahe Chines riba e ocean Atlantico. e ministerio di defensa na Taiwan no a bisa si e ta sospecha cu e blaas por a ser uza pa spiona. e ministerio di asunto den exterior Chines no a duna comentario riba esaki.
Beijing a sigui presiona Taiwan por medio di manda aeronavenan militar y barconan di guera cerca di e isla casi diariamente. Taipei ta preparando pa un eleccion presidencial dia 13 di januari. E front-runner, vice-presidente William Lai di e partido pa independencia a ser critica pa Beijing di ta un “separatista.” Lai a bisa cu e kier mantene paz y e status quo den relacionnan cu China.
Taiwan a separa for di China durante e guera civil na 1949, pero Beijing ta sigui considera e isla como teritorio Chines y a keda aumenta su menasa contra Taiwan pa logro e meta ey, hasta cu forsa militar si ta necesario.
