(AP) —Taiwan a deteni un agente militar y varios colaborado riba sospechonan di compartiendo secretonan cu China. E Ministerio di Defensa di Taiwan a bisa ayera cu un luitenant coronel conoci como Hseih y otro defendientenan tabata sospecha di ta recluta pa China pa comparti secretonan di defensa militar y otro informacion.
E detencionnan a bin mientras tension militar entre China y Taiwan ta sigui aumenta. China ta bisa cu Taiwan ta su teritorio y a organisa un campaña largo pa recluta personal militar di Taiwan cu ta na pensioen pa comparti secretonan di e Estado pa placa of regalo.
Hsieh tambe ta sospecha di desaroya un organisacion di spionahe di personal militar na pensioen y den servicio actual cu e tarea pa colecta inteligencia pa China, segun e corant Taipei Times, cual a cita fiscalnan anonimo cu e Oficina di Fiscalia Halto di Taiwan.
E oficina no a duna contesta inmediatamente tocante e caso aki. “E Ministerio di Defensa Nacional ta condena e cantidad chikito di hende cu a viola e deber di defende e pais y cu a comete crimennan di traicion contra e pueblo di e pais,” segun e Ministerio di Defensa a bisa den un declaracion.
Un mayor militar y tres otro hende tambe a ser cuestiona den e caso y a laga nan bay riba fianza entre 630 dollar y 19.000 dollar, segun Taipei Times. Luna pasa, autoridadnan di Taiwan a detene cinco hende, incluyendo instructor Chines di yo-yo, riba sospecha di spionahe pa China.
