Taika Waititi, e Neozelandes cu a traha e peliculanan ‘Jojo Rabbit’ y ‘Thor: Ragnarok’ lo dirigi un pelicula nobo di ‘Star Wars’.
Pa varios luna tabata spera cu Waititi lo tuma e mando di e galaxia hopi, hopi leu, despues cu ya caba el a dirigi e final di e temporada di e spinoff di ‘Star Wars’, ‘The Mandalorian’. Pero Walt Disney Co. a warda te cu e fecha festivo no oficial di e frankisia, ‘May the Fourth’ (4 di mei) pa oficialmente anuncia cu a contrata Waititi.
Waititi lo co-skirbi e pelicula cu Krysty Wilson-Cains, kende a skirbi e thriller di Prome Guera Mundial ‘1917’ cu Sam Mendes. Tanto Waititi y Wilson-Cains tabata nominado pa screenplay na premionan di Academia anteriormente e aña aki; Wilson-Cains pa e script original di ‘1917’ y Waititi pa su satira di Nazi ‘Jojo Rabbit’. Waititi a gana.
Pa yuda rehubenece e frankicia, Disney a mira den direccion di presidente di Marvel, Kevin Feige (kende a produci ‘Thor: Ragnarok’ di Waititi) y Jon Favreau, director di ‘The Mandalorian’.
‘The Mandalorian’, cu segun reporte tin un di tres serie den produccion, tambe a habri e opcion di serie pa ‘Star Wars’. Otro show den desaroyo ta inclui un spinoff di Obi-Wan Kenobi cu Ewan McGregor, y un spinoff di ‘Rogue One’ basa riba e personahe Cassian Andor.
Disney a agrega otro serie na su plan ayera, anunciando cu Leslye Headland, e co-creador y productor ehecutivo di e serie popular di Neflix, ‘Russian Doll’ tambe ta desaroyando un serie nobo di ‘Star Wars’ pa Disney.
No a revela un fecha di lansamento pa e proyectonan aki.
