Ta urgi localnan na Brabant pa evita socialisa pa un siman

Un set di medidanan nobo den e provincia Hulandes di Noord-Brabant den un esfuerso pa contene e plamamento di coronavirus. Mas di e mita di e casonan oficial Hulandes awo ta na e provincia y alrededor di e mita di esaki tin un fuente desconoci.

A cancela decena di evento, incluyendo varios partido di futbol di Eredivisie, desfile di carnaval cu ya a wordo posponi pa motibo di e tormentanan. Ademas a pidi ciudadanonan local pa reteni e contacto social durante e proximo siman. Esaki ta bin ariba di e instruccionnan anterior pa traha di cas si ta posible. E medidanan nobo, e alcalde di Den Bosch Jack Mikkers a bisa diamars anochi, cu ta crucial pa motibo cu e coronavirus ta hayando un gara riba nos provincia.

Si bo wak e enfoke di e testnan di e deteccion di e enfermedad na ful e pais , e ta den e personanan cu ta mustra e sintomanan mas grave, e testnan di 1.000 empleado di hospital di Brabant cu ta mustra e sintomanan leve a encontra e virus den alrededor di 4%. Jaap van Dissel, cu ta dirigi e unidad di enfermedadnan infeccioso di e instituto di salud Hulandes, esaki e parlamentarionan a bisa den un sesion informativo diamars ultimo, cu ta mustra cu mas ta sosodiendo na Brabant cu na e resto di e pais. “ Nos ta wak casonan cu nos no por splica y e investigacion ta mustra cu e trahadonan di hospital no a infecta entre nan, el a bisa. “ Pa e motibo aki nos ta kere cu e virus ta plamando den varios parti di e provincia.

E impacto di e virus riba turismo na Hulanda ya ta wordo sinti, cu e reservacionnan di hotel na Amsterdam na un 30%, segun Nico Evers, e vice presidente di e asociacion di e industria hotelero di e capital KHA. Ta pidi personal pa tuma vakantie y e contractnan no continua ora cu e fecha caduca pa deal cu e recesion ,e emisora nos a bisa.

“Menos huesped ta nifica menos limpiesa y cushna”, Evers a bisa. Na Rotterdam y Tilburg , e hotelnan a informa un aumento den e cancelacionnan y menos reservacionnan nobo. “ E empresanan realmente ta tumando medidanan” esaki ta locual e empresario di hospitalidad di Tilburg, Tim Wijdemans a bisa NOS. “ Nan ta cancelando reservacionnan y nos ta ricibiendo menos”. Un siman pasa nos a pensa cu nos por ta bon, pero awo mi por wak cu nos ta leu di termina.

E bureau Hulandes di CBL a bisa diaranson cu e tiendanan y wholesaler awo ta pidiendo nan clientenan pa paga cu carchi debit direct enbes di efectivo, debi na e riesgo di infeccion.

Esaki ta debi na e transaccionnan den efectivo ta envolvi contacto fisico cu personal y mester evita esaki, CBL a bisa. E problema no ta trata di placa of superficia contamina manera ATN pa motibo esaki no ta un vector of transmision di e virus, e director di CBL Marc Jansen a bisa DutchNews.nl. “ Aparentemente contacto cu humano si”.