DOW welcome plaza (3).JPG
– Director di DOW Marlon Croes ta splica Bon Dia Aruba cu nan a cuminsa cu un retraso den locual ta e proyecto di ‘Welcome Plaza’, sin embargo esaki ta bayendo mas rapido awor y ta spera di por keda cla cu ne pa luna di december.
 
Sr. Croes ta splica cu e prome fase di e proyecto ‘Welcome Plaza ta cla.
Esaki ta un proyecto cu a wordo anuncia aña pasa cual a resulta den relocacion di e kiosconan cu tabata na e sitio.  Esaki ta un proyecto innovativo cual lo bira un plasa di bon bini na entrada di nos waf. ​​​​​​​​E proyecto aki ta costa 2.5 miyon florin anto ta bini na e luga unda cu tabata tin e tankinan di e refineria antes cu a wordo elimina. Welcome Plaza ta cuminsa for di entrada di Valero Boulevard bin ariba te cu na Diamonds International.  ”E ta conecta ariba e pida infrastructura cu nos a caba aworaki entre LG Smith Boulevard cu Weststraat, pasando net patras di parada di bus.  Esaki ta conecta cu Schelpstraat tambe par di luna atras pa bo tin un corridor anto embeyece unda cu e tram ta core.”
 
Retraso
E di dos fase di e proyecto aki a caba di cuminsa cual ta e parti di e kiosko. Esaki tabata tin algun problema segun Sr. Croes pasobra e mester a cuminsa hopi mas prome. “Pa motibo cu e prijsnan tabata hopi halto na inicio, e diseño a wordo cambia diferente biaha pa por a yega na algo cu ta funciona.” Esaki a trece cu e proyecto a cuminsa cu un retraso anto segun Sr. Croes aworaki esaki ta bayendo mas rapido.  E ta enfatisa cu si acaso mester bin mas retraso, e no ta costa Aruba nada. “E ta hinca den e proyecto cu bo por duna un cierto retraso den dje. E ta costa placa ora bo cambia e ‘scope’ di e trabao si ,ora bo bay añadi mas cos pero basicamente nos ta maneha esaki den dje”