Usuarionan di lama entre area di Parkietenbos y islanan di cay a nota un comportacion straño na Dump. Esnan encarga cu maneha dump ta simplemente pusha partinan na candela den lama.
E ta algo yamativo mirando cu net banda di dump tin area di mangel cu mester haya proteccion y ta cay bou supervision di Fundacion Parke Nacional Aruba.
Bon Dia Aruba no a haya comentario di Serlimar riba e maneho aki y si e ta algo nobo of si ya ta hopi tempo caba cu ta simplemente benta parti di e dump den lama. E ta obvio cu e practica aki ta hopi peligroso pa e calidad di awa cu ta yega tur rond di nos isla, incluso areanan unda ta pisca.
E ta un hecho cu studio di PAHO a ilustra e peliger pa salud grandi di e dump y esnan cu conoce e operacion ta papia di acumulacion peligroso di tur tipo di metal y otro material peligroso cu awor ta parce di keda deliberadamente pusha den lama.
