(TMZ) – Prins Harry su guera legal cu prensa Britanico tocante supuesto hacking di telefon lo yega un punto importante cu e comienso di e huicio e siman aki y ta premira cu e lo subi podium.
E duke si Sussex aparentemente lo ta na corte di London e siman aki y lo testigua riba diamars. E caso cu ta tratando ta di un demanda cu su persona y otronan a pone den contra di e compania Daily Mirror. Esaki ta un di e varios publicistanan cu e ta demandando, tur cual ta trata acusacion di hacking, invasion y privacidad y efectivamente spionahe riba su persona y otro miembronan di e famia Real cu a tuma luga di te hasta varios aña atras, algo cu Prins Harry lo purba rectifica awo.
E caso di Daily Mirror lo ser trata den corte prome y e prins su testimonio posiblemente por ta historico, pa motibo cu e lo bira e prome (ex) Real cu lo testigua den corte como un testigo y cu evidencia di e manera aki den hopi tempo.
Ultimo biaha el a pasa tabata den aña 1891, ora cu Rey Edwart VII (prome cu e tabata rey) a testigua den un caso di difamacion. Loke Harry ta demanda den e caso particular aki ta 33 di 150 storia tocante su persona cu Daily Mirror a publica entre 1995 y 2011, un periodo den cual e ta bisa cu e publicacionnan a ser orkestra cu tacticanan ilegal na Britania manera hacking di celular, etc.
The Mirror a concede den documentonan cu Harry si tin punto tocante algun tactica cu no ta etico cu nan a usa durante tempo, sinembargo nan no a bisa nada tocante e publicacionnan cu e prins ta demandando specificamente. Pa motibo aki, el a hiba e caso dilanti hues.
