Manera cu nos a informa siman pasa, Conseho Electoral ta laga sa cu te dia 22 di juni por registra un partido pa participa den siguiente eleccion september venidero.
Presidente di Conseho Electoral Hubert Maduro ta conta nos cu si un persona dicidi cu e kier lanta un partido y bay eleccion riba su mes segun Conseho Electoral esaki ta un posibilidad. Sr. Maduro: “E minimo di hende cu bo mester tin riba lista ora di entrega pa eleccion ta un solo persona e maximo ta 29.” E ta bisa cu antes un lista ta wordo entrega pa un persona natural sin importa cu ta un lista di partido of di dje so. Pero aworaki nan e ta splica cu e vehiculo pa entrega un lista mester ta un partido politico reconoci pa Conseho Electoral. Bo ta wordo reconoci solamente si bo ta un asociacion civil.
Cantidad menos di miembro
Sr. Maduro ta splica cu manera e asociacion ta existi, e ta keda cu un bida riba su mes y no ta depende riba e cantidad di hende cu ta miembro d dje.
Ora cu un cantidad di miembro baha cu e no ta funciona mas como asociacion, tin diferente manera legal pa deshaci di un asociacion asina. “Esun cu ta registra como representante di e partido por entrega un lista anto e mes por para riba e lista. ”
