Segun John Arends e ta preocupa di un situacion inhusto cu ta pasando awor aki na Aruba. Tin compania local cu a pidi permiso pa cultiva Cannabis y a bende cu compania di afo caba.
John Arends di Aruba CBD a pidi un permiso y te ainda no a haya contesta. El a cumpra e productonan caba y mester a bende nan na otro pais pasobra ta tardando demasiado tempo. Den combersacion cu Arends, el a splica cu e kier a pidi permiso pa e bini cu un co-op. Via di esaki e lo a ofrece 14 mil shares riba mercado local unda cada share lo a costa 3500 florin. Tur esaki lo a trece hunto un capital di 14 miyon florin, cu ta bay inverti aki na Aruba mes.
Den e compania aki 51% mester keda den man di Arubianonan. Pero tanto Gobierno como Departamento di Asuntonan Economico a nenga pa e bini cu un compania asina pasobra e por crea money laundering y Banco Central no por haci su control debidamente.
Awo, Arends ta bisa, ta neng’e di crea e compania di e forma aki unda placa ta keda circula economia local, pero si ta permiti un compania Canades si pa opera di e mesun forma, pero na Aruba.
Aruba CBD ta un compania cu ta opera internacionalmente, na 12 pais. Nan tin facilidad di cultivo na Croacia, Spaña, Romania y Hulanda. For di e cultivonan ey ta saca diferente tipo di extracto pa creacion di e productonan di CBD. Hulanda por ehempel no ta acepta producto cu e extracto di mas puro, pa cualnan ta manda esey Hulanda y laga nan mes procesa esaki na e nivel di loke nan ta permiti.
Rond mundo a keda comproba cu suplementonan di CBD a baha gastonan den sector publico. “Pero aki na Aruba ta parce cu kier boicotea e industria di CBD. Nos ta bay keda bringa pa e bira pa bin cu un compania Co-Op. E industria aki mester ta pertenece na Arubianonan
