Manera a wordo treci un rato pasa door di Bon Dia Aruba den forma di primicia, e mandatario sospecha pa corupcion y traficacion di hende sr. Paul Croes ta suspendi oficialemente. (click aki pa lesa e primicia)
Bon Dia Aruba a tuma contacto cu minister Bermudez kende a confirma cu durante un minsterraad riba 12 di mei 2017 a tuma e desicion di kita tur cartera di sr. Croes. Bermudez ta sigi splica cu e mes no tabata presente durante e reunion aki pero si por a confirma cu e tin e carteranan awor y te hasta a duna di conoce cu Gobernador di Aruba lo a firma e landsbesluit caba.
Di nos banda como un medio di comunicacion investigativo, nos ta buscando pa haña si e suspension aki ta corecto y cu no ta trapando riba nos constitution. Te na unda ta conocemento di nos redaccion, nombracion, suspension y retiro di un minister ta wordo haci pa Parlamento di Aruba.
Mas informacion amplio relaciona cu e noticia aki den e edicion di corant Bon Dia Aruba mañan 19 di mei 2017.
