Prome Minister Eugene Rhuggenaath a anuncia cu toque de queda lo ta un biaha mas di 10pm pa 4:30am. E regulacion di emergencia tambe a keda extendi cu 90 dia. E premier tambe a anuncia cu ta cla cu e variante Britanico di e virus di Covid-19 a plama riba e isla.
Rhuggenaath a indica cu a bira cla cu e variante nobo ta plamando mas lihe y pa e motibo aki mester bolbe tuma medida. Ta miho pa tuma accion inmediato na luga di warda y henter economia mester para.
E prome minister ta reflecciona riba e medidanan cu tur persona mester sigui observa. Tene distancia di 2 meter for di otro. Mester continua bisti tapaboca den espacionan publico.
Restaurant mester cera pa 9pm pa motibo di e toque de queda. Truk’i pan por habri di 4pm te 9pm.
Gobierno pronto lo cuminsa tuma contacto cu Conseho Supremo Electoral (SEC) pa sigura cu eleccion por continua segun ta usual.
Rhuggenaath ta enfatisa cu e pais ainda ta den crisis. “E balans di e medidanan ta siendo monitorea. E programa di vacunacion ta bayendo bon, e cifranan ta bon, pero ainda mester ta cauteloso”, e premier a bisa.
Eventonan a tuma luga cual Rhuggenaath no tabata contento. Sinembargo, hopi hende si a cumpli cu e medidanan. Ta tumando un precaucion general awo, y esaki ta necesario. Nos tin control di nos comportamento y ta eynan unda nos mester cuminsa, segun Rhuggenaath. Tin consulta constant cu sector di restaurant. Tambe tin consulta constant cu bida nocturno (farandula). Si continua aglomera na tur sorto di sitio di entretenimento, e infeccionnan lo continua, Rhuggenaath a bisa.
Segun e prome minister, e prome medida awo a ser tuma pa preveni contagio. Mas medida lo keda anuncia den proximo dianan. E ta bisa cu e ley seco tambe a keda considera, pero e ta spera cu esaki no ta bay ta necesario. E proximo dianan lo continua monitor e situacion, tambe specificamente, eleccion.
