Presidente di ODEA, Sharline Tromp-Faro a bisa cu ta existi cierto preocupacionnan cerca e cuerpo di enfermeria.
Di un banda e preocupacion aki tin di haber cu e cambionan drastico cu ta bay tin specialmente den eleccion di directiva di ODEA cu ta e organisacion cu ta representa profesionalmente e gremio aki.
Pero tambe nan preocupacion tin di haber cu e continuacion di e participacion di e proceso di departamento di Enseñansa pa cu e BKS. Nan ta revisando e curriculum di capacitacion cu ministerio di Salubridad Publico kier bin cun’e.
Cambio di mentalidad
Sra. Tromp-Faro a bisa cu otro preocupacion tin di haber cu e cambio di mentalidad y funcionamento di nan mesun enfermeronan pa bin cu un otro mentalidad pa mantene nan educacion na nivel halto como parti di nan responsabilidad. Ya caba algun colega di dje ta canando e proceso aki caba, pero tin e pensamento cu esey mester tuma luga den nan oranan di trabou, y no tur ora esey ta e caso. Tambe ta di bo mes inverti den bo propio estudio pa mantene capacitacion.
Den cuadro di celebracion di Siman di Enfermeria el a laga sa cu tur personal di enfermeria di cada instituto a traha riba un actividad na nan manera. El pidi pa tur personal di enfermeria participa y disfruta di e actividadnan cu a wordo programa. “Pasobra e actividadnan a wordo organisa pa nan, anto cu hopi dedicacion. Nos ta spera di nan pa bay”, el a bisa.
